კულინარიის სკოლა

“აჭარა ჯგუფის” აკადემიის კულინარიის სკოლა ბაზრის საჭიროებებზე მორგებულ ხარისხიან სასწავლო პროგრამებს ახორციელებს, სტუმარ-მასპინძლობის, კერძოდ, კულინარიის პოპულარიზაციას უზრუნველყოფს და კურსდამთავრებულების დასაქმებას უწყობს ხელს.

სწავლის ხარისხზე ორიენტირებული მიდგომა გამოიხატება თანამედროვე დანადგარებით სრულად აღჭურვილი სასწავლო გარემოთი, ეკოლოგიურად სუფთა ადგილობრივი პროდუქტებით, სწავლების გამოცდილების მქონე „აჭარა ჯგუფის“ და მოწვეული პრაქტიკოსი ექპერტების მიერ ჩატარებული ლექციებით, მაღალკვალიფიციური ინსტრუქტორებისა და სტუდენტების 1:1 თანაფარდობით, თეორიული და პრაქტიკული სწავლების სინთეზით.

კულინარიის სკოლის პროფესიული პროგრამა კულინარიის ხელოვნების შესწავლის მსურველებს იმ საბაზისო ცოდნის მიღებასა და რეალურ სამზარეულოში პრაქტიკული უნარ-ჩვევების განვითარებას სთავაზობს, რაც კულინარიის სფეროში განვითარებისთვის აუცილებელია. ამავდროულად, პროგრამა ხელს უწყობს საქართველოს გასტრონომიულ განვითარებას კვალიფიციური დამწყები მზარეულებისა და კონდიტერების მომზადებით.

„აჭარა ჯგუფის“ აკადემიის კულინარიის სკოლა გთავაზობთ უპრეცედენტო შვიდთვიან თეორიულ და პრაქტიკულ პროფესიულ პროგრამას, რომლის ფარგლებშიც დაეუფლებით თქვენ მიერ არჩეულ კულინარიის ხელოვნების კონცენტრაციას: დამწყები მზარეული ან დამწყები კონდიტერი. სწავლის პირველ ეტაპზე, გაივლით ორთვიან თეორიული ლექციების კურსს, რომელიც სავალდებულოა როგორც დამწყები მზარეულისთვის, ასევე დამწყები კონდიტერისთვის. თეორიული საგნების ჩამონათვალი შეგიძლიათ იხილოთ ბმულზე.

თეორიული ნაწილის დასრულების შემდეგ, პროგრამის პრაქტიკულ სწავლებას გააგრძელებთ რეალურ და დინამიურ სამზარეულოში, „აჭარა ჯგუფის“ ექვს სხვადასხვა ობიექტზე. როტაციის პრინციპით, თქვენ მოხვდებით სამზარეულოს ყველა სექციაში, სადაც ინდივიდუალურ მენტორობას გაგიწევთ „აჭარა ჯგუფში“ მომუშავე პრაქტიკოსი მზარეულები. ყოველკვირეული პრაქტიკული გამოცდილების ფარგლებში, მენტორის უშუალო ხელმძღვანელობით იმუშავებთ რეალურ შეკვეთებზე, მოქმედი რესტორნის სამზარეულოში. სხვადასხვა სამზარეულოში როტაცია კი შესაძლებლობას მოგცემთ გაეცნოთ სხვადასხვა ტიპის მენიუს, კერძის მომზადების მეთოლოდოგიასა და სამუშაო გარემოს, გახდეთ უფრო მოქნილი და გამოიმუშავოთ სწრაფი ადაპტაციის უნარი.

პრაქტიკული სწავლება ხორციელდება „აჭარა ჯგუფის“ ექვს ობიექტზე:

• თბილისი, სასტუმრო Holiday Inn Tbilisi
• ყაზბეგი, სასტუმრო Rooms Hotel Kazbegi
• თბილისი, სასტუმრო Rooms Hotel Tbilisi
• თბილისი, რესტორანი Lolita
• თბილისი, სასტუმრო Stamba Hotel
• ბაკურიანი, სასტუმრო Rooms Hotel Kokhta

სწავლების პრაქტიკული ნაწილის ვრცელი აღწერა შეგიძლიათ იხილოთ ბმულზე.

თითოეული პროგრამის სწავლის პირველადი საფასურია 5000 ლარი; სპონსორის მიერ თითოეული სტუდენტის 1100 ლარით თანადაფინანსების შედეგად, სტუდენტის მიერ გადასახდელი ჯამური თანხა შეადგენს 3900 ლარს, რომლის გადახდაც შესაძლებელია 7 ეტაპად:

• I ეტაპი – 1000 ლარი
• II ეტაპი – 800 ლარი
• III ეტაპი – 600 ლარი
• IV ეტაპი – 400 ლარი
• V ეტაპი – 400 ლარი
• VI ეტაპი – 400 ლარი
• VII ეტაპი – 300 ლარი